البنات ... والمسن

موضوع: البنات ... والمسن 2008-02-20, 06:09

العاقله!!
لما تفتح ماسنجرها ماتكلم حد.. تنتظر الكل يرحب
فيها وهي تبتسم وتقول شكرا..
واذا حد ارسل لها فايل او رابط اغنية حطت له
علامة استفهام وتسكت نص ساعه ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه مررره تحط ثلاث ابتسامات.

المصلحجية!! صاحبة المصالح

ماتسلم عليك الا مرة في الشهر.. تدخل عليك فجأه وتحط لك ورده.. مع انهاكل يوم متواجده وساكته..
وتستخدم مشغول في الخارج.. واذا احتاجت مساعدة تجيك
وتسلم عليك وتقول وينك من زمان ماشفتك؟ شدعوه
ماتسال علي؟
ترى اختي كل يوم تفتح ماسنجري واوصيها تبلغك السلام
لاني مشغووولة حدي في الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره
واختي بتجلس مكاني لاتكلمها بليز
لووووول.

الرسميـة!!

ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل..
احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ لووول ياحياة الشقا
.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.

الهبلــة!!

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها
الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها
متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون
الخط لوووول.

الدفشــة!!

تغيب أيام طويلة مدري وين تروح وترجع فجأة.. وكلماتها مثل..
شخبار امك عساها طيبة؟ يادلخ.. انقلع.. ضف وجهك.. ابي فزعه.. لاتزعل من اختك ترى اتغشمر ..
ودايم تطيح الميانة.. وثقافتها ماتعدى المتوسطه.
. وتفكيرها في البر والتقحيص..
وتمووت في اغاني خالد عبدالرحمن
وماتعرف من العطورات غير دهن العود الرخيص ..
ولو كلمتها عن ماركة قوتشي او ديور بتقولك مقاطعة الامريكان.. وضحكتها .... هع هع هع
وتكتب بلون اسود لانها ماتعرف تغير الالوان هع.

البطــــة!!

طباخة ممتازة وتحب تسولف عن الاكل.. ودايم جوعانه.
. ونقطة ضعفها الجالكسي جواهر والاندومي.. وقبل موعد
العشا بساعه يكون مزاجها متعكر ودايخه
و تسولف من غير نفس..
ولما ينادونها للعشا تقفل الماسنجر بسرعة البرق..
لوووول وعادة يكون نكها فراولة ا او شوكولاته أنيقة او رمانه مخصرة او كاكاوه او جالكسيه
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.

البريئــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم
تسألك كم عمرك؟
تعشق سبيس تون وبينك بانتر و تحب تسولف عن الأزياء والتسريحات.. تتواجد في العصر و المغرب
لانها تنام بدري..
ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها
باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك هع.

الشينـــة!!

اسمها الحقيقي نوره او ساره او حصه او عنبره او رقيه
ويعايرونها في البيت ام ضرس او الحولا
او البطه او ام جبهة..
وتجي الماسنجر تتميلح وتقول اسمي الجوهره أو مشاعل
او فاتن او شهد او ريم..
ودايم تنتقد و مايعجبها العجب..
واذا شافتك مشغول انواع الهواش والشتايم
تحتار كيف ترضيها..
تعطيها اغنية تقولك ماحب الاغاني..
تعطيها كرت غرامي تقولك انا موياهل قدامك ..
تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات..
ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار سماء مثل : الدلوعة.. الفاتنة.. الماسة.. أميرة.. الى اخره.

المتزوجـة!!

هذي ممكن تكون سبب في كرهك للزواج ..
كل سوالفها عن مشاكل الزواج و غثى اعيالها
وفجأة تقولك برب
وتروح تصايح على اعيالها وترجع
وكل يوم تسألك متى ناوي تتزوج عشان نفرح فيك؟
واذا وصل زوجها للبيت تقفل الماسنجر في وجهك وتطلع من غير لاتقول باي لوووول..
اوقاتها مختلفه مالها وقت محدد..
وترز صورة اعيالها في الماسنجر ينقالها تحبهم لوووول..
شعارها يازين حياة العزوبيه
نكها مثل : المهمومه.. الجريحه.. المهاجره..
وتحب تسمع الكلام العاطفي وأغاني عبدالحليم..
مزاجها متقلب مره تضحك ومره تبكي واحيانا تنام على الكي بورد ..

موضوع: رد: البنات ... والمسن 2008-02-20, 08:34

لا لا لا

حدكم على البنات

صج انه الموضوع ضدي بس الشكر لك

موضوع: رد: البنات ... والمسن 2008-02-21, 07:16

ههههههههه

شدعوه اختي ماعندج رووح رياضيه

واشكرج على مرورج

اخوج ..روحي السد

موضوع: رد: البنات ... والمسن 2008-02-22, 03:49

تسلم اخوي روحي السد علي الموضوع في انتظار جديدك..

موضوع: رد: البنات ... والمسن 2008-02-28, 08:47

مشكور اخوي على المرور الحلو

موضوع: رد: البنات ... والمسن 2008-04-04, 11:38

هههههههههههههههه

تسلم اخوي عالموضوع الجميل

وماتقصر

وتحياتي لك

موضوع: رد: البنات ... والمسن 2008-06-06, 19:53

مشكور اخوي عمري قطر ع المرور

موضوع: رد: البنات ... والمسن 2008-06-10, 02:16

شكرا على الموضوع

موضوع: رد: البنات ... والمسن 2008-06-10, 02:34

العفو

موضوع: رد: البنات ... والمسن 2008-06-10, 14:00

مشكور اخوي علىالموضوع
و ماتقصر Embarassed

موضوع: رد: البنات ... والمسن 2008-06-10, 23:54

العفو اختي

والشكر لك على المرور والرد الحلو

موضوع: رد: البنات ... والمسن 2008-06-23, 15:54

مشكور اخوي على الموضوع

الحلو وماقصرت

تسلم يمناك

تحياتي لمن دمر حياتي

موضوع: رد: البنات ... والمسن 2008-08-07, 15:46

هع هع هع هع هع
خخخخخخ

تعجبني والله
ومشكور اخوي علموضوع وماتقصر
تحياتي ذيب قطر

» نواع البنات في اكل العلك!!!
» اكاذيب الشباب على البنات
» المستحيلات العشر عند البنات
» اشكال البنات وهم ف المول !!!
» اعمار البنات ونظره الناس إليبهم